27 నక్షత్రాలకు ప్రీతికరమైన పదార్దాలు ఏమిటి ?

 జ్యోతిష్య శాస్త్రం ప్రకారం మన జన్మనక్షత్రానికి సంబంధించి కొన్ని పదార్థాలను  దానం ఇవ్వడం  లేదా వినియోగించడం వల్ల మనకు  చాలా మంచిది. 27 నక్షత్రాలకు ప్రీతికరమైనవి ఏంటో తెలుసుకుందాం 

27 నక్షత్రాలకు ప్రీతికరమైన పదార్దాలు:

అశ్విని - బంగాలదుంప , బూడిదగుమ్మడికాయ, వేరుశెనగ

భరణి -  పుట్ట గొడుగులు, జీడిపప్పు 

కృత్తిక - జిలేబి, ఎర్రగడ్డలు స్ట్రాబెర్రి, బాదంపప్పు, బొప్పాయి 

రోహిణి - కొబ్బరి, కోడిగుడ్డు 

మృగశిర - క్యారెట్, హల్వా, ఎందు మిర్చి

ఆరుద్ర - చింతపండు, పులిహోర, అల్లం 

పునర్వసు - నిమ్మకాయ పులిహోర, పైన్ఆపిల్, శెనగపప్పు, జాంపండు, పనసపండు

పుష్యమి - వంకాయ, పిస్తా 

ఆశ్లేష - ఆకుకూర, క్యాబేజి, బీరకాయ, పెసలు, పొట్లకాయ, కాకరకాయ, పచ్చబఠాణీలు

మఖ - చాక్లెట్లు, గోధుమఉప్మా

పూర్వ ఫల్గుని - మొక్క జొన్నలు, పొంగల్

ఉత్తర ఫల్గుని  - నేరేడు, నల్లబెల్లం 

హస్త - వెల్లుల్లి, తెల్ల ఉల్లిపాయలు, ముంజలు

చిత్త - కేసరి, బీట్రూట్, కందిపప్పు 

స్వాతి - కాఫీ, తేనె 

విశాఖ - అరటిపండు, కాలీఫ్లవర్ 

అనురాధ - నల్లద్రాక్ష, సీతాఫలం 

జ్యేష్ఠ - పచ్చిమామిడి, బీన్స్, మున్నక్కాయలు, సొరకాయ,కరివేపాకు 

మూల - సపోటా, చపాతి,బెల్లం 

పూర్వాషాడ - పాలు, పాలపదార్దాలు 

ఉత్తరాషాడ - గెనసుగడ్డలు, ఆపిల్ 

శ్రవణం - ఇడ్లి, చక్కర, తెల్లమినుములు 

ధనిష్ఠ - టమాటో, నారంజ, జాంగ్రి, పుచ్చకాయలు

శతభిషం - దోశ, వడ, బొండా, బజ్జి, చిరుతిండ్లు 

పూర్వాభాద్ర - మామిడిపండు, దోసకాయ

ఉత్తరాభాద్ర - కర్జూరం, గోధుమ, నల్లమినుములు

రేవతి - బెండకాయ, కీరాదోసకాయ, చిక్కుడుకాయలు, కొత్తిమీర

నవగ్రహ దీపాల నోము ఎలా, ఎప్పుడు చేయాలి?

నవగ్రహ దీపాల నోముః-

నవగ్రహ దీపాల నోము ఎలా చేయాలి. నవగ్రహాల అనుగ్రహం కోసం, ఐశ్వర్యం పొందేందుకు కార్తీక పౌర్ణమి రోజున ఈ నోము నోచుకుంటారు.
 

తొమ్మిది ప్రమిదలు, తొమ్మిది ఒత్తుల చొప్పున వెలిగించి, ఒక్కొక్క ప్రమిద వద్ద నవధాన్యాలలో ఒక్కొక్క రకం ధాన్యం కొద్దిగా ఉంచి, ఒక్కొక్క ప్రమిదను (ధాన్యం సహా) ఒక్కొక్క బ్రాహ్మణునికి దానమివ్వాలి.

నవగ్రహ శాంతికి సంబంధించి పూజాది కార్యక్రమాలు చేసేవారు ఆయా ప్రత్యేక వస్తువులతో పూజని నిర్వహించాలి. పూజలో గ్రహ శాంతికి దోష నివారణకు దానాలు చేయాలి. ఇలా చేసిన వారకి దోష నివారణ జరిగి సకల శుభాలు కలుగుతాయి. కోరిన కోర్కెలు నెరవేరతాయి.

 సూర్య గ్రహ పూజ చేసేవారు గోధుమలను దానము చేయాలి. చేతికి కెంపు ఉంగరాన్ని ధరించటం వల్ల రోగాదులు, మానసిక బాధలు తొలగి మనశ్శాంతి కలుగుతుంది.

గురు గ్రహ పూజను నిర్వహించేవారు శనగలను దానం చేయాలి. అదే విధంగా కనక పుష్యరాగం ఉంగరాన్ని ధరించటం వల్ల అధికారం, ధనయోగంతో పాటు కీర్తివంతులవుతారు.

చంద్రుని పూజకు బియ్యాన్ని దానం చేస్తే సరిపోతుంది. ముత్యాన్ని ధరించటం వల్ల నేత్రాలకు సంబంధించిన బాధలకు నివృత్తి కలుగుతుంది. ఇక కుజ గ్రహ పూజలో కందులను దానం చేయాలి. పగడపు ఉంగరాన్ని ధరించటం వల్ల రుణ విముక్తి కలిగి శత్రు బాధ తొలగుతుంది.

 బుధ గ్రహ పూజలో పెసలను దానం చేయాలి. పచ్చల ఉంగరాన్ని ధరించటం వల్ల ధనలాభం కలగటమే కాక వృత్తి వ్యాపారాల్లో అభివృద్ధి కలుగుతుంది.

శుక్రుని పూజలో అలచందల దానము చేయాలి. వజ్రం, పగడము ధరించిటం వల్ల కార్యసిద్ధి కలుగుతుంది. వివాహాది శుభకార్యములకు ఉన్న అడ్డంకులు తొలగిపోతాయి.

 రాహు పూజకు మినుములను దానం చేయాలి. గోమేధిక ఉంగరాన్ని ధరించటం వల్ల భయాందోళనలు తగ్గుతాయి. ధనప్రాప్తి కలుగుతుంది.

 కేతువు పూజలో ఉలవల దానం చేయాలి. వైఢూర్యం ఉంగరాన్ని ధరించాలి. దీనివల్ల సర్పాది భయాలు తొలగటమే కాక దైవశక్తి పెరుగుతుంది.

 శనిపూజలో నువ్వులను దానం చేయాలి. నీలిరంగు రాయి కలిగిన ఉంగరాన్ని ధరించటం వల్ల ఆరోగ్యవంతులవటమే కాక ఇతరత్రా కష్టాలు తొలగిపోతాయి. ఇంకా ప్రతి శనివారం నవగ్రహాలకు దీపమెలిగించినా ఈతిబాధలుండవు. ఆర్థిక ఇబ్బందులు, అనుకున్న కార్యాలు దిగ్విజయంగా పూర్తికావాలంటే కార్తీక పౌర్ణమిన శివాలయంలో అభిషేకం చేయించాలని పురోహితులు అంటున్నారు.