శ్రీ మేధా దక్షిణామూర్తి జ్యోతిష నిలయం

మీరు జన్మించిన తేది, సమయం, ప్రదేశం ఈ మూడు సమాచారములు మాకు తెలియచేసినచో మీ వ్రుత్తి,వ్యాపార,ఆరోగ్య,ఆర్ధిక పరిస్తితులు, దాంపత్యం, విద్య, ఉద్యోగ, వివాహ, కుటుంబవ్యవహారాలు, సంతానం, రాజకీయ వ్యవహారాలు,ప్రేమ వ్యవహారములు,కుజ దోషం, కాలసర్ప దోషం మరియు వివాహ, ఉపనయన, గృహప్రవేస, జప, హోమ, వ్రత, అన్నప్రసన, నామకరణం లకు ముహూర్తములు పెట్టబడును. P.V.RADHAKRISHNA CELL :+91 9966455872, Mail us : parakrijaya@gmail.com
వాస్తు సార సంగ్రహం లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
వాస్తు సార సంగ్రహం లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

9, అక్టోబర్ 2014, గురువారం

కాక్ - సి.వో.సి (coc) అంటే ఏమిటి?


వాస్తులో "కాక్" పదానికి ఎంతో ప్రాముఖ్యత వుంది. ఇంటిలో ఎంతో కాలంగా ఉపయోగించని వస్తువుల్ని ఏరిపారేసి ఆయా దిక్కుల్లోని పంచభూతాలకు
పరిశుభ్రమైన గాలిని అందించే ప్రక్రియనే క్లియరింగ్ ఆఫ్ క్లట్టర్ (సి.వో.సి - coc - కాక్) అంటారు. ఇంటి ఆవరణ, వంటగది, పడక గదులను తప్పనిసరిగా ఈ ప్రక్రియతో ఎప్పుడూ క్లీన్ చేస్తూనే వుండాలి. అంటే అష్టదిక్పాలురకు నిరంతరం పంచభూతాలతో అనుసంధానం వుండేట్లు చేస్తూనే వుండాలన్నమాట.

తూర్పులోని చెత్త అంటే పనికిరాని సామానులుంటే అది మీ పరువు
ప్రతిష్టలపైనా, వృత్తి మీదా, డబ్బు పైనా వ్యతిరేక ప్రభావం చూపిస్తుంది.
పడమరలోని చెత్త దరిద్రాన్ని, నీటి కొరతను, శరీరంలో డీహైడ్రేషన్‌ను
కల్గిస్తుంది. దక్షిణంలోని చెత్త వల్ల అనారోగ్యం, ఉత్తరంలోని చెత్తవల్ల
అధిక ఖర్చులూ, నైరుతీలోని చెత్తవల్ల నిద్ర పట్టకపోవడం, వాయవ్యంలోని
చెత్తవల్ల పిల్లలు చదువులో వెనుకబడిపోవడం, ఈశాన్యంలోని చెత్తవల్ల దైవ
కృపకు దూరం అయ్యి శ్వాస సంబంధమైన వ్యాధులతో బాధ పడటం వంటివి
సంభవిస్తాయి.

ఏ గది ఎక్కడ, ఏ వస్తువులు ఎక్కడ?

సైద్ధాంతికపరంగా ఏ గది ఎక్కడ వుంటే మంచిది. ఏ గదిలో ఏయే వస్తువుల్ని
వుంచుకోవచ్చు అనే విషయాన్ని ఈ చిత్రం ద్వారా తెలుసుకోవచ్చు. అయితే
సిద్ధాంతం వేరు, దానిని జౌపయోగికంగా (ప్రాక్టికల్) ఉపయోగించడం వేరని మనం తెలుసుకోవాలి. పెన్సిలిన్ ఇంజక్షన్ మందులోని ఫార్ములా ఒకటే అయినా భిన్నరకాల వ్యాధులకు దానిని ఉపయోగించే తీరుమారినట్లుగా అన్నమాట.ఈ చిత్రం కేవలం సిద్ధాంతపరమైన గదుల అమరికలను, వాటిలో వుంచాల్సిన వస్తు సముదాయాల్ని మాత్రమే సూచిస్తుంది. ఇదే రీతిలో ఇళ్ళు కట్టిన వారందరికీ అభివృద్ధి వుంటుందన్న నియమం లేదు. ఆయా వ్యక్తుల జాతకాల్లోని గ్రహబలాన్ని అనుసరించి ఇంటి నిర్మాణంలోని గదుల హోదా, వుంచాల్సిన వస్తువుల జాబితాలో మార్పు చెందుతాయని గ్రహించాల్సివుంది.

నాలుగు ప్రధాన దిక్కులైన తూర్పు, పడమర, ఉత్తరం, దక్షిణం అనేవి మనిషి
జీవితంలోని నాలుగు పురుషార్థాలైన ధర్మ, అర్థ, కామ, మోక్షాలకు పరోక్షమైన
సూచికలు (ప్రతీకలు). తూర్పు ధర్మం, పడమర కామము, ఉత్తరం అర్థము (డబ్బు) ,దక్షిణం మోక్షము(మృత్యువు - పరలోక ప్రయాణాలు మొదలైనవి అని అర్థము). ఒక్కో దిక్కు, ఆ దిక్కును పాలించే దేవతలకు ఇష్టమైన రంగులూ, వస్తువులూ వుంటాయి. 

8, అక్టోబర్ 2014, బుధవారం

కాలానుగుణ "వాస్తు" అంటే?



జ్యోతిష్య శాస్త్రంలో సమానంగా ఎదుగుతున్న ప్రాచీన భారతీయ సంప్రదాయ శాస్త్రాలలో 'వాస్తు' ఓ విభాగం . కొన్ని సందర్భాల్లో ఇది జ్యోతిష్య శాస్త్రాన్ని సైతం అధిగమించి ఎదుగుతోందనడానికి నిదర్శనం, ఈ వాస్తు పట్ల దేశ వ్యాప్తంగా పెరుగుతున్న ఆదరణే అని చెప్పవచ్చు. అయితే కేవలం మార్కెట్లో పుస్తకాలు కొని చదివి వాస్తును తెలుసుకోవాలనుకుంటే మాత్రం గృహస్తు లేదా భవన నిర్మాణ నిర్మాతలు పప్పులో కాలేసినట్లే. మారుతున్న కాలంతో పాటుగా భారతీయ వాస్తులో సైతం కొన్ని అధునాతనమైన మార్పులు ప్రయోగాత్మకంగా మార్చవలసి వస్తున్నా, వాటివల్ల జరిగే ప్రయోజనపు పాళ్ళు అధికంగా వుండటంతో, అటు ఆర్కిటెక్టులూ, ఇటు శాస్త్రీయ సిద్ధాంతులు సైతం వీటిని తమ నిర్మాణాల్లో అమలు పర్చేందుకు ముందుకు రావడం ఒక స్వాగతించవలసిన శుభపరిణామం.సాధారణంగా వాస్తులో ప్రధానమైనది నిర్ధిష్టమైన కొలతలతో కూడిన “ఆయముల” నిర్ణయం. ఇంటిలోని ఏయేదిక్కుల్లో, యేయే ఆయములు వుంటే ఎలా కల్సివస్తుందో చెబుతుందీ పద్ధతి. దీనినే పాశ్చాత్యులు 'బాగ్‌వా' అంటారు. ఇళ్ళు లేదా భవంతిని నిర్మించబోయే భూమిని అష్టదిక్పాలకులు పాలిస్తుంటారు. ఒకొక్క దిక్కునూ ఒకొక్క దేవత శాసించి, నియంత్రిస్తుంటుంది.

తూర్పును ఇంద్రుడు, పడమరను వరుణుడు, ఉత్తరానికి కుబేరుడు, దక్షిణానికి యముడు, ఈశాన్యమునకు ఈశానుడు, ఆగ్నేయానికి అగ్ని, వాయవ్యానికి వాయువు, నైరుతీదిశను నిరుతి అనే ఎనిమిదిమంది దిక్పాలకులు పాలిస్తుంటారు.

ఇంద్రుడికి ప్రతినిధి సూర్యుడు, వరుణుడికి  శనీశ్వరుడు, కుబేరునికి బుధుడు, యమునికి కుజుడు, ఈశానునికి గురువు (బృహస్పతి), అగ్నికి శుక్రుడు, వాయువునకు కేతువు, నిరుతికి రాహువు ఉపప్రతినిధులు. మనలో చాలామందికివాస్తు వేరు జ్యోతిష్యం వేరు అనే ఒక భిన్నాభిప్రాయముంది. అయితే సరియైన శాస్త్రం తెలిసిన వాస్తు లేదా జ్యోతిర్వేత్తలు నేటి ఈ వాస్తును జ్యోతిర్శాస్త్రంలోని ఒక విడదీయరాని అంతర్భాగంగా మాత్రమే పరిగణిస్తున్నారు. వాస్తవానికి ఇదే నిజం కూడానూ.

ఉదాహరణకు, సైద్ధాంతిక వాస్తు నియమాలను అనుసరించి చూచితే యజమాని నిద్రించే మాష్టర్ బెడ్‌రూం (పడకగది) నైరుతిదిశలో కానీ వాయవ్యంలో కానీ వుండాలి. అదే విధంగా వంటగది (కిచెన్) అనేది ఆగ్నేయంలో వుండాలి. కానీ మీ జాతకంలో అగ్నిని ఉపప్రతినిధిగా చెబుతున్న శుక్రుడు ఈశాన్యరాశి అయిన మీనంలో వున్నాడనుకోండి అప్పుడు మీ పడకగది పై సిద్ధాంతానికి భిన్నంగా ఈశాన్యంలో నిర్మించుకుంటేనే బాగా కలిసివస్తుంది. జాతకచక్రంలోని 12 రాశుల్లో శుక్రుడు ఏ రాశిలో తన పూర్తి బలాన్ని కల్గివున్నాడో ఆ రాశి ప్రాతినిధ్యం లేదా ఆ రాశీనాథుడు ప్రాతినిధ్యం వహించే దిశగా కానీ, లేదా అటువంటి రాశీనాధుడున్న దిక్కునకానీ పడకగది వుంటే బ్రహ్మాండంగా కల్సివస్తుంది.

దిక్కులూ - జాగ్రత్తలు -  ప్రాముఖ్యతలు

తూర్పులో బరువులు వుండకూడదు. అలా వుంటే సంతానం, ఐశ్వర్యాల వంటివి లభించవు. బావులు, బోర్లు ఈ దిశలో వుండరాదు. పడమర దిశలో ఎక్కువ స్థలాన్ని వదలరాదు. ఇది తూర్పు దిశకన్నా కొంచెం ఎత్తుగా వుండేట్టు చూసుకోవాలి. నైరుతీ, వాయవ్యాలకు తగలకుండా బావులు, బోర్లు కనుక నిర్మించుకుంటే సకల శుభాలు కలుగుతాయి. ఉత్తర దిశ, దక్షిణ దిశ కంటే పల్లంగా వుండాలి. ఉత్తరం ఎంత పెరిగితే యజమానికి అంత ధనలాభం కలుగుతుంది. ఉత్తరం వల్ల సంతానం, విద్య, ఆదాయం, పలుకుబడి ఇబ్బడిముబ్బడిగా పెరుగుతాయి.

దక్షిణంలో జాగా ఎంత తగ్గితే అంత మంచిది. అలా లేకుంటే ఇంట్లో వాళ్ళకు ఎప్పుడూ రోగాలుంటాయి, తగ్గవు. వున్న ఆస్తులు అమ్ముకొని దివాళాతీస్తారు. ఈశాన్యం విశాలంగా, పల్లంగా వుండాలి. ఈ దిశలో నీరు వుండకుండా నైరుతీ, పడమర దిశలమీదుగా పారేనీరు ఈశాన్యం ద్వారా వెలుపలికి వెళ్ళడం వల్ల అద్భుతమైన ఫలితాలు కల్గుతాయి. కానీ సంప్రదాయవాదులు ఈ దిశలో బావికానీ, బోరు కానీ వెయ్యమనే చెబుతూ వస్తున్నారు. ఇది సరికాదు. ఆగ్నేయంను పల్లంగా వుంచకూడదు. గోతులూ, సంపులూ వుంచరాదు. అలా చేసినట్లయితే ఇంటిలోని స్త్రీలకు పలురకాల రోగాలతోపాటుగా లైంగిక, వివాహ సంబంధమైన అవరోధాలు ఏర్పడతాయి. ఇక నైరుతి బాగా కురచగా వుండి ఎంత ఎత్తుగా వుంటే అంతమంచిది. ఈ దిశలో ఎంతగా బరువుంటే అంత లాభం కలుగుతుంది.  నైరుతీలో గుంటలు, గోతులూ, బావులు, బోర్లు ఎట్టి పరిస్థితుల్లో వేయకూడదు. అలా వుంటే మొండి రోగాలూ, ఆస్తులు అమ్ముకోవడం జరిగితీరుతుంది.


వీటన్నింటినీ చదివిన తర్వాత మీకేమనిపిస్తోంది? సరే నేనే చెబుతాను. ఈ ఎనిమిది దిశలు ప్రత్యక్షంగానో, పరోక్షంగానో పంచభూతాలను తలపింపజేస్తున్నాయి. అవి అగ్ని (ఫైర్), జలము (వాటర్), వాయువు (ఎయిర్), భూమి లేదా పృథ్వీ (ఎర్త్), ఆకాశము (స్కై). అయితే చైనీయుల వాస్తులో అగ్నికి బదులుగా దారువు (వుడ్ - చెక్క), ఆకాశానికి బదులుగా లోహము (మెటల్) అనేవి వుంటాయి. వాస్తు ఏ దేశానికి చెందినదైనా అందులోని మూల సూత్రాలు పంచభూతాలే. ఎందుకంటే మన (జీవుల) శరీరాలన్నీ కూడా ఈ పంచ భూతాలతోనే నిర్మించబడినవి కావడం వల్ల. చైనీయుల వాస్తులో వాయవ్యాన్ని... మెటల్ (లోహం), ఆగ్నేయదిశను.... దారువు, నైరుతిని.... భూమి (ఎర్త్), దక్షిణాన్ని... అగ్ని (ఫైర్), ఉత్తరాన్ని..... నీరు (వాటర్), ఈశాన్యాన్ని... ఎర్త్ (భూమి), తూర్పును... దారువు (వుడ్), పడమరను... లోహము (మెటల్) అనేవి ప్రభావితం చేస్తాయి.

23, ఆగస్టు 2014, శనివారం

గృహ నిర్మాణ గ్రామార్వణము


మనకు వాస్తు శాస్త్ర పండితులు గ్రామార్వణము గురించి చెప్పియున్నారు . గ్రామార్వణము గురించి ఈ విధముగా చెప్పితిరి .

ఏ గ్రామము నందు గృహము నిర్మించుటకు స్థలము కొనదలచినారో ఆ గ్రామము యొక్క నక్షత్రము కనుగొనాలి
( గ్రామము పేరులో ఉన్న మొదటి అక్షరమును బట్టి నక్షత్రము తెలుయును .) 
ఆ గ్రామనక్షత్రమునుండి  స్థలము కొనదలచిన వ్యక్తీ యొక్క నక్షత్రము వరకు లెక్కించగా వచ్చు సంఖ్యను బట్టి ఫలితములు తెలుసుకోవచ్చు . దీనినే నరాకార చక్రమందురు . నరాకార చక్రమునందున్న నక్షత్రముల ఫలితములు ఈ విధముగా ఉన్నాయి

శ్లోకం  :  శిరః పంచార్ధ లాభం , ముఖేత్రీ అర్ధ నాశనం , బాణరో
ధన దాన్యంచ పాదయో షట్ దరిద్రః  ప్రుష్టేకం ప్రాణ సందేహం
చతుర్నాభి శుభావహం,నేత్రే ద్వి ప్రీతి లాభంచ ,
సవ్యహస్తేన సంపదా , వామ హస్తనే దరిద్రః

తాత్పర్యము ; శిరస్సు నందు 5 నక్షత్రములు ధన లాభము కలుగజేయును , .ముఖము నందు ౩ నక్షత్రములు ధన నష్టమును , .గర్భమునందు 5 నక్షత్రములు ధన, ధాన్య సమృద్ధిని , పాదముల యందు 6 నక్షత్రములు దరిద్రమును  కల్గించును, పృష్టం నందు 1 నక్షత్రము ప్రాణ నష్టము సూచించును .నాభి యందు 4 నక్షత్రములు శుభమును ,  నేత్రముల యందు 2 నక్షత్రములు ప్రీతిని కలుగ జేయును, కుడి చేతి యందు 1 నక్షతము సంపదను , ఎడమ చేతియందు 1 నక్షత్రము దరిద్రమును అనుభవింప చేయును .

ఉదా : వినయ్  అను వ్యక్తీ గాంధీనగర్ అను గ్రామములో గృహ స్థలము కొనాలని అనుకొన్నాడు . ఇది అతనికి అనుకూలమా ?  గాంధీనగర్ నక్షత్రము ధనిష్ఠ అవుతుంది . వినయ్ నక్షత్రము రోహిణి . నవతార చక్రము ప్రకారము లెక్క వేయగా 9 వ నక్షత్రము కావున శుభ ప్రదము .

ఈ అర్వణము గ్రామములకు చెప్పబడినది కదా . మరి పెద్ద నగరముల యందు నివసించే వారికి ఎలా అని సందేహము కలుగక మానదు . వేల , లక్షల జనాభాతో పట్టణాలు పెరిగి పోతున్నాయి . పెద్ద పెద్ద రియల్ ఎస్టేట్ సంస్థలు పెద్ద వెంచర్స్ వేసి గృహాలను అమ్ముతున్నాయి . వీటికి అర్వణము ఎలా చూడాలి .
మీరు నివసించ బోయే వీధి ని గానీ, రియల్ ఎస్టేట్ సంస్థలలో అయితే ప్రాంతము పేరును బట్టి అర్వణము చేసుకొని వచ్చే ఫలితమును బట్టి గృహ నిర్మాణము చేసుకోవాలి .  .
 

http://bhavisyadarsini.blogspot.in/2014/01/blog-post_5873.html

6, ఆగస్టు 2013, మంగళవారం

అపార్ట్ మెంట్స్ కి వాస్తు వర్తిస్తుందా?

blog post from :
http://vaasthuvidya.blogspot.in/2009/11/blog-post.html
 

 గృహ నిర్మాణాలలో నూతన వరవడికి శ్రీకారాన్ని చుట్టి, నగరాలలో పట్టణాలలోస్థలాన్ని,ధనాన్ని ఆదా చేసే అపార్ట్ మెంట్స్ కు మన దేశంలో వాస్తు జబ్బు తగులుకుంది. ఈ వాస్తు వల్ల నిర్మాణ వ్యయం పెరగటమే కాకుండా నివాసానికి అసౌకర్యంగా ఉంటున్నాయి. ఈ అపార్ట్ మెంట్స్ కు మన ప్రాచీన వాస్తు వర్తించదన్న విషయం తెలియక చాలా మందిఅనవసర ఆందోళనలకు లోనౌతున్నారు.
ఈ నాడు బహుళ ప్రజాదరణ పొందుతున్న ఈ అపార్ట్ మెంట్స్ దాదాపూ మూడు వందల ఏళ్ల క్రితం యూరప్ లో మొదలై నేడు ప్రపంచమంతా వ్యాపించాయి. నేడు కోట్లాది మందిఈ అపార్ట్ మెంట్స్ లో నిక్షేపం గా జివిస్తున్నారన్నది పరమ సత్యం. వారందరికి కలగని కస్టనష్టాలు మనకి మాత్రమే వస్తాయనుకోవటం సరికాదు.
నిజానికి ఒక గోడను ఆసరాగా చేసుకొని రెండు ఇళ్లు కట్టుకోవటానికి కుడా వాస్తు తప్పు పడుతుంది. అలాంటిది ఎన్నో గృహాల సముదాయం అయిన ఈ ఆధునిక అపార్ట్ మెంట్స్ కి మన ప్రాచీన వాస్తు తో ముడి వేసి లేనిపోని చిక్కులు తెచ్చుకోవటం విజ్ఞత ఎంత మాత్రం కాదు.
ఆ గ్నేయం లో అగ్ని అని కిచెన్ రూమ్, నైరుతిలో బరువు అని మాస్టర్ బెడ్ రూం,ఈశాన్యమ్ లో పూజ, ఉచ్చంలో నడక అని డోర్లు, కారిడార్లు ... వగైరా పది పడికట్టు వాస్తు సూత్రాలను పట్టుకొని, ఇవే వాస్తు అనే వారి మాటలకు విలువ ఇచ్చి కోరి కస్టాలు కొని తెచ్చుకోకండి.
నిజానికి అపార్ట్ మెంట్స్ లో ప్రతి ఫ్లాట్ ను ఒక ఇల్లుగా పరిగణిస్తూ, వాటికి ఇంటి వాస్తును దిశలను బట్టి పాటిస్తూ నిర్మించిన అపార్ట్ మెంట్స్ లో గాలి,వెలుతురు సరిగా ఉండదు. ఒక్కో అపార్ట్ మెంట్ కు ఒక్కో ఓరియంటేషన్ పాటించాలి. అన్నిటికి పొయ్యి ఆగ్నేయం లోనే అంటే ఎలా?

నిజానికి అపార్ట్ మెంట్స్ లో చూడవలిసినది,ప్రాధాన్యం ఇవ్వవలిసింది వాస్తుకి కాదు. దాని నాణ్యత, పటిష్టత, సౌకర్యం, సౌందర్యం. వీటికే తొలిప్రాధాన్యం ఇవ్వాలి. పైన పటారం లోన లొటారం అని వాస్తు ముసుగులో నాసి రకం అపార్ట్ మెంట్స్ ను నిర్మించి వాస్తు బలం చూపుతూ అంట గట్టే వారికి దూరం గా ఉంటే మంచిది.
పూర్వం ఎప్పుడో దేశ,కాల పరిస్తుతులను బట్టి రూపొందించిన వాస్తు సూత్రాలు నేడు అన్నిటికి పనికి వస్తాయనటం సరికాదు. కాల దోషం పట్టిన వాస్తును వదిలి విశ్వవ్యాప్తంగా ఆమోదించిన నవీన సాంకేతిక విజ్ఞాన్నిఅపార్ట్ మెంట్స్ నిర్మాణం లో సాదరంగా స్వాగతించండి. ఆధునిక జీవనాన్ని సుఖవంతంగా ఉండేలా చూసుకోండి.

19, మార్చి 2013, మంగళవారం

వాస్తు - వర్గులు


స్వవర్గు - ధన లాభం
ద్వితీయ వర్గు - స్వల్ప లాభం
తృతీయ వర్గు - శుభ ప్రదం
చతుర్థ వర్గు - వ్యాధులు
పంచమ వర్గు - శత్రు క్షేత్రం
షష్టమ వర్గు - కలహ ప్రదం (మతాంతరంలో లక్ష్మీ ప్రదం)
సప్తమ వర్గు - సర్వ సౌభాగ్యం
అష్టమ వర్గు - మరణ ప్రదం




15, మార్చి 2013, శుక్రవారం

వాస్తులో తూర్పున పెద్ద బిల్డింగ్ ఉంటే...

వాస్తులో తూర్పున పెద్ద బిల్డింగ్ ఉంటే...

వాస్తు నియమాల్లో ఇంటి స్థలం ఎలా ఉంది, ముఖద్వారం ఎటువైపు ఉంది, తలుపులు, కిటికీలు ఎన్ని ఉన్నాయి, స్థలం రోడ్డు కంటే మెరకగా లేదా పల్లంగా ఉన్నదా తదితర అంశాలన్నీ గణనలోకి తీసుకుంటాం. ఈ అంశాలే కాకుండా ఇంటికి పక్కనున్న ఇళ్ళు ఎలా ఉన్నాయనేది కూడా పరిగణనలోకి వస్తుంది. వాస్తులో మన ఇంటికి చెందిన నియమాలు మాత్రమే కాదు, పక్కనున్న ఇళ్ళు, రోడ్లకు సంబంధించి కూడా కొన్ని సూత్రీకరణలు ఉన్నాయి. 

వాస్తులో ఇంటి ఆకృతికి కొన్ని నిర్దేశాలు ఉన్నాయి. ఇల్లు చతురస్రంగా (Square) కానీ, దీర్ఘ చతురస్రంగా (Rectangle) కానీ ఉండాలి. అలాంటి ఇల్లు మాత్రమే శ్రేయస్కరం. కొన్ని ఇళ్లను చూస్తుంటాం.. ఒక క్రమపద్ధతిలో లేకుండా కొన్నిచోట్ల లోనికి చొచ్చుకురావడం, ఇంకొన్నిచోట్ల బయటకు పొడుచుకు రావడం, మూలలు వక్రంగా తోసుకుపోవడం లాంటి ఎగుడుదిగుడులు కనిపిస్తాయి. కొన్ని ఇళ్లలో ఒకటి కంటే ఎక్కువ వంకరలు కూడా ఉండటం కనిపిస్తుంది. ఇవన్నీ దోషాలే. 

వాస్తు ప్రకారం ఇంటికి తూర్పు దిక్కునున్న నిర్మాణం మనదానికంటే పెద్దదిగా ఉంటే, అప్పుడు మనం ఏం చేయాలో చూద్దాం. తూర్పువైపున మన ఇంటికంటే పెద్ద భవనం గనుక ఉన్నట్లయితే మామూలు వాస్తు నియమాల ప్రకారం వదలాల్సిన ఖాళీస్థలం కంటే కనీసం అయిదు అడుగుల జాగాను అదనంగా వదలాలి. ఒకవేళ తూర్పున మాత్రమే గాక, పశ్చిమాన కూడా పెద్ద నిర్మాణమే ఉంటే... (తూర్పున ఉన్న భవనం అంత లేదా అంతకంటే పెద్దది అయిన నిర్మాణం) ఈ సూత్రం వర్తించదు. అంటే తూర్పు, పడమర – రెండు దిక్కులలోనూ మన ఇంటికంటే ఎత్తయిన భవనాలు ఉంటే దోషం లేదు. తూర్పున మాత్రమే ఉంటే, కొంత స్థలం వదలడం ద్వారా దోష నివారణ చేసుకోవచ్చు.
వాస్తు సవ్యంగా ఉండి, సత్ఫలితాలు రావాలంటే ముందుగా స్థలంలో ఎగుడుదిగుడులు లేకుండా, చతురస్రం లేదా, దీర్ఘ చతురస్రం ఆకృతిలో ఉన్న ఇళ్ళ స్థలాలను మాత్రమే కొనుగోలు చేయాలి. అలాంటి స్థలాల్లో కట్టిన ఇళ్లను మాత్రమే కొనుక్కోవాలి.
ఇంటికి ఈశాన్య దిక్కులో గది తప్పక ఉండాలి. అక్కడ ఖాళీగా ఉంచి "L” ఆకృతిలో ఇల్లు కట్టడం మంచిది కాదు. ఈశాన్య దిశలో ఉన్న గదిని పూజకు కేటాయించాలి. ఈశాన్య దిక్కున పొరపాటున కూడా బాత్రూం ఉండకూడదు.
ఇంటిచుట్టూ ఉండే ప్రహరీ గోడ ఇంటికి సరిహద్దును తెలియచేస్తూ రక్షణ ఇవ్వడమే కాదు, అందాన్ని ఇస్తుంది. ప్రహరీ గోడ లేకుంటే ఇల్లు సంపూర్ణంగా ఉన్నట్టు ఉండదు.
తూర్పువైపున మన ఇంటి కంటే పెద్ద బిల్డింగ్ కనుక ఉంటే మామూలుగా ఉండాల్సిన ఖాళీ స్థలం కంటే మరో 5 అడుగుల ఖాళీ స్థలం వదలాలి. ఈ నియమం మన ఇంటికి తూర్పువైపున మాత్రమే పెద్ద కట్టడం ఉన్నప్పుడు వర్తిస్తుంది.
అలాగే ఉత్తర దిక్కున మన ఇంటికంటే పెద్దదయిన భవనం ఉంటే తూర్పువైపున చెప్పినట్లే మామూలుగా వాస్తు నియమం ప్రకారం వదలాల్సిన జాగా కంటే అయిదు అడుగుల అదనపు స్థలాన్ని వదిలిపెట్టాలి.
ఉత్తరాన మన ఇంటి కంటే పెద్ద భవనం ఉన్నప్పుడు దక్షిణ నైరుతిలో ఉపగ్రహం నిర్మించాలి.
దక్షిణ ప్రహరీ గోడకి ఒక అరుగు కట్టాలి.
ఇంటికి దక్షిణాన రోడ్డు గనుక వచ్చినట్లయితే, సరిగ్గా ఈ నియమాలే వర్తిస్తాయి.
ఒకవేళ ఇంటికి దక్షిణాన గనుక ఉత్తరదిక్కున ఉన్న భవనంతో సమానమైన లేదా అంతకంటే పెద్దదైన భవనం ఉంటే అప్పుడు అదనపు ఖాళీ స్థలం వదలాల్సిన అవసరం లేదు.
ఒకవేళ తూర్పుదిక్కు మాదిరిగానే ఇంటికి పశ్చిమ దిక్కున కూడా తూర్పు వైపున ఉన్నంత లేదా అంతకంటే పెద్ద బిల్డింగ్ ఉంటే గనుక మామూలు కంటే ఇంకా 5 అడుగుల ఖాళీ జాగా వదలాలి అనే నియమం వర్తించదు.

4, మార్చి 2013, సోమవారం

వాస్తులో ప్రభావం చూపే రంగు బల్బులు

వాస్తులో ప్రభావం చూపే రంగు బల్బులు
Colour Bulbs Influence on Vastu


వాస్తులో ద్వారాలు, గోడలు, కిటికీలు, స్తంభాలు మాత్రమే కాదు, ఇంకా అనేక విషయాలు ఇమిడి ఉన్నాయి. వాస్తు మహా విస్తృతమైన శాస్త్రం. ఇంటిముందు పూలమొక్కలు, ఇంటి గోడలకు వేసే సున్నపు రంగులు మొదలైనవెన్నో వాస్తు పరిగణనలోకి వస్తాయి. ఆఖరికి ఇళ్ళలో లైట్లు కూడా వాస్తు కిందికి వస్తాయి. ఏ రకమైన లైట్లు వాడుతున్నామో, ఆ ప్రభావం ఉంటుందని గ్రహించుకోవాలి.


మార్కెట్లో వివిధ రంగుల బల్బులు దొరుకుతాయి. మనం సాధారణంగా తెల్లటి కాంతివంతమైన బల్బులు లేదా ట్యూబ్ లైట్లు ఉపయోగిస్తాం. లైట్ల రంగులను బట్టి వాస్తు ప్రభావం ఉంటుందని తెలిసింది కనుక ఇకపై ఆయా రంగుల లైట్లను అమర్చుకుందాం. ఇంటికి ఏ దిక్కునున్న గదుల్లో ఏ రంగుల బల్బులను ఉపయోగిస్తే మంచిదో ఇస్తున్నాం, చూడండి. 

తూర్పు - ఎరుపు రంగు లైట్లు

పశ్చిమం - నీలం రంగు లైట్లు

ఉత్తరం - ఆకుపచ్చ బల్బు

దక్షిణం - డార్క్ రెడ్ లైట్లు

ఈశాన్యం - పసుపు రంగు బల్బులు

ఆగ్నేయం - టొమేటో రంగు బల్బులు

వాయువ్యం - తెలుపు రంగు లైట్లు

నైరుతి - తెలుపు రంగు బల్బులు

చూశారు కదండీ.. ఆయా దిక్కుల్లో ఉన్న గదుల్లో పైన చెప్పిన ప్రకారం అనుకూలమైన రంగుల బల్బులను అమర్చడం వలన సత్ఫలితాలు ఉంటాయి. ఆయా రంగుల బల్బులను మంచి కాంతివంతమైనవి అమర్చాలి. పడుకునే సమయంలో మాత్రమే జీరో వాట్ బల్బులను ఉపయోగించాలి. మెలకువగా ఉన్న సమయంలో ఎక్కువ వాట్స్ ఉన్న బల్బులను మాత్రమే ఉపయోగించాలి. ఇలా చేయడంవల్ల వృత్తి, ఉద్యోగాల్లో ఎంతో అభివృద్ధి ఉంటుంది. కుటుంబంలో అనారోగ్యాలు తలెత్తవు.

ఈ బ్లాగును సెర్చ్ చేయండి



Related Posts Plugin for WordPress, Blogger...